Quick recap of CNY

9:35am既 The Curious Case of Benjamin Button...早到要0係戲院食早餐，睇在Brad Pitt份上渣。

有影評人以「相逢太早的愛情」為題去道出Benjamin Button跟Daisy的愛情的時間性，大概是一生中可以在不同時間遇上同一個人，大部份時候，即使愛上都只能擦身而過。 當終於遇到合適的timing，明知未必能long lasting, 都把握當下的時機，好好愛著對方。很簡單的珍惜眼前人道理，不過知易行難，我們都總在身邊人決定離開自己後，才想起要珍惜。

大年初一上來不是拜年的人，竟然夠膽笑我家的桃花太大! 明顯就係唔抵得。 而我開始懷疑他是我今年的桃花劫。

離開又一城後最掛念既Simplylife在IFC開了。年廿九意外地撞正開張吃了第一趟，初二再encore順便睇煙花。相信它會榮登09年我最愛hea既地方。

跟日本鐵腳熱烈討論3/4月既白濱之旅，如果成行就不得了lu。On list既仲有London跟TW兩個有人接滯既地方，同埋幾時都想去既Bangkok. 諗起都開心。呵呵。

a very self-centered piece.

16項有關我的事情 - 0係facebook寫完唔好蹝，轉載於此，我牛年既第一篇note。

1. As獨生女我從來都唔覺得會悶。可能因為我同d cousin好close。靚表妹係我既生死之交，表哥細個時係我半個男朋友。
2. 我老豆當我係情人多過係女。佢會送花俾我，出街要拖住我，會無啦啦抱起我。oh btw, 佢係叫我honey0架。
3. 我從來都唔認同隔離飯香。我媽媽煮飯好得，勁得! 我有認真打算要拜佢為師，他日有個老公可以煮好味晚餐俾佢食。:p
4. 其實我唔係"零"下廚。只不過我淨係煮俾我屋企兩老同埋我男人食。我會好appreciate你同我食晒所有野即使我一定會煮多左份量，食完唔該洗碗。
5. 我好enjoy一個人住，同時跟屋企人住得好近。 咁樣會相處得好d, 我又會掛住佢地多d。我imagine唔到要同好多人一齊住會點。
6. 一個人0係屋企時偶然會懶浪漫咁點晒candle light+香薰+jazz music然後開支wine食parma。兩個人時從來都唔會咁。
7. 兩個人0係屋企時通常都係睇電視+上網+聽歌+食junk food，初則寸咀口角繼而動武掉cushion。無無聊聊既日子其實最開心。
8. (原來)我講野好細聲。當我以為自己講得大聲時，原來係0岩0岩足夠人地聽到。That's why一大堆人講緊野時我通常都唔多出聲，費時講完人地聽唔到。
9. 我好鍾意寫野，曾經打算同一個人一齊出本書。不過而家既我搵唔到一個good reason去做呢一件事。或者係我唔想"挖"d感覺出來寫。Anyway.
10. 08年做左一件成世女最勇同時最任性既事, 之但係我唔會再俾同樣既事情發生。0係「勇」呢個範疇我經已宣佈"collect skin", ha.
11. 我既bitchy姊妹們對我好重要。除左佢地超sweet既無限support，最重要係佢地既非凡事蹟同奇人奇事，極度entertaining. :P
12. 生得「細粒」令我最困擾既係 - 34號鞋真係好難買; 著suit返工會俾同事問我做咩著大人衫; d懶高既賤格男人會扮見我唔到。
13. 生得「細粒」最"so"既係 - 搵男朋友有wide range of 高度&年齡; 年齡同外表唔會成正比; 環保(買件衫都少d布啦!)。
14. 我對「小手」應該係最細既大人手，多年來未逢敵手。我深信呢對手幾好拖，同埋一d都唔襯水晶甲。
15. d人成日問我幾時結婚，我一定答:「結0架喇，酒席都訂晒，差個老公之嘛! 」。而我最appreciate咁多年來我屋企人都冇過問(唔敢問)我感情生活。
16. 我真心覺得另一半唔係用條件堆砌，我鍾意你，你就係最好最適合我0個個。相比位高權重賺錢多，我比較prefer一個對我好又夠愛我既人lor。

to be cont' or maybe not....

detox@28th

洗掉記憶忘掉人物是為年廿八心靈detox的重點。
姊妹們，牛年要reborn ar! :)

...

最近都在用紙筆記下所思所想，重拾以筆劃表達當下感覺的樂趣。
或許會放下以拍打鍵盤建成的地方。或許。

I'm not alone

Thanks my dear friends for the lovely bear bear.
And most important, the warmth.

...
campaign launch 之日有大家勁幫手promote, that's very sweet!
...
what i learnt this week: always be fair. be ethical.

quote of the day

All the world is a stage. And all the men and women are merely players.
....
沒有不追看的理由. How bitchy!
蘭開夏道

大掃除

大掃除的開始是掉棄了屬於我家而再也不著的日常用品包括藍色的牙刷。就只留下了quicksliver當睡衣穿。

我閃過換掉家具陳設的念頭。只是仍不知道何時有搬走的需要。以過客般的身份住了三年，我開始想擺脫徘徊在需要搬遷與否的拖拉。

而或許我不過是，純粹地想改變點什麼。

...

我花了兩小時，掉了很多東西。
方才發覺，好些東西，早不在乎。

2009

俾後天選擇性失憶既死8公一句車埋黎「咪咁無聊做回顧啦!」之後，慳番左一晚既腦汁同埋至少一個叫2008大事回顧既blog post. ha.

告別太過精彩既08，09，或者，可以唔好太刺激。哈。


Happy New Year to my dear friends.
All the best.

the last good news @ 2008

峰回路轉既事情，係話飛又唔飛又再話飛又再唔飛既某公司所送既一個大禮。哈!
其實呢, 呢條route，真係唔需要多一個player0架喇。 呵呵。

Merry Christmas!

上主會眷顧我們的，對不?

Rethink, faith.

完滿結束

喪映畢業相活動終於完滿結束。除左大家0係facebook見到0個九幾百張之外，值得一提既係冇post到既相。

Recap 呢兩個星期叫「陳黑羊」既人0係blog記下我地0係中大既所作所為:

仙樂飄飄處處聞... 在百萬大道上拍新聞透視...喪跳... 羅馬場...結婚相...孖通sir滑梯... (其實條通俾我咁sir過...我諗以後唔會有人夠膽扶住黎行...wahahaa...)...30度斜嘅斜路...再sir滑梯(係...我地係堅鍾意sir滑梯囉原來...)...中文甚麼doo doo doo...龍友... (其實我地真係無做趙碩之...張茆同o靚模嘅天份...我地都係努力工作罷喇...janice baby)...假infinity pool...america's next top model一秒鐘轉十個post...竹林...食竹葉... 在lecturor房間影印...國術會poster...李暉和中刀... 綠色囧型通道...拓柱...兩吋變46吋奇人奇技...同埋明明只係影相但要加聲效...

今日收到MB燒俾我既相...我想話...千其唔好流去嚴倩既手上，俾佢放左上msn就....!!!
Bitches, thanks again...for the crazy, unique memory! ;)

而Peter pann親自操刀既全家福，亦是另一好玩之作。癲喪，真係會遺傳0架。兩老仲玩得開心過我lor...