relocation.

係需要出一個post去多謝幫我安排relocation plan既男人。

0係忙到冇時間諗所有野同埋打算咩都唔理既時候，有人同你講，其實我幫你諗左安排左，只要你講想要plan A定 plan B就得。

今次你羸晒! 拜託你了，Big thanks!

跟50後交手...

喪忙的一星期。

第一次香港host既Regional Conference，新老闆的第一件show off之作，我的第一個大presentation。可以預期又被吹捧為Barter queen。究竟今年個budget會唔會凍過水就睇呢round。而當然呢兩星期我根本冇做過任何preparations。=.=

突然早左幾個星期既move out，0係忟完一晚之後經已收拾心情，pack野、搵屋、攪機票走人。學識將所有控制唔到既事一笑置之、唔浪費無謂力氣去找自己麻煩，絕對係有益身心。

一直好唔鍾意媽媽唔掉野既習慣，好好的一個小居室成了個warehouse。多年來一直為這嘈過一萬次，這陣子尤甚，為著怎樣settle down的事情，令大家都好frustrated。我總說我搬回家一定不會再有這四年般的patience跟EQ，我說我再受不了沒有空間又有煙味的地方。

譚小姐說那些我眼中十世都冇掂過的雜物可能是媽媽最好的回憶，the good old days。然後媽媽態度軟化了肯放棄部份東西了，跟我一起執執拾拾。她說她要留起紅色的玩具跑車，因為它跟老豆從前的紅色跑車一模一樣; 她說要留下迪士尼畫報，說要用來教我個仔英文; 還有我小時候的音樂公仔、一堆disney的玩具等等等等....然後我說算了都留下罷了，送到mini warehouse好了。與此同時正俾足耐性去教倉頡王媽媽上網同用iphone，慢慢說服佢掉晒0個堆我好想一把火燒左佢既N箱news clippings。

做女既有時候會總放大了自己的需要，忘記了好好站在父母的立場去想。 有時候當堅持了自以為「對」的立場，卻傷害了感性上的情感，退一步看，其實沒有必要，反正又不是什麼大是大非的事。只要大家都好好的待在身邊，什麼事都再沒有所謂了。
...
Pray for you, my dearest.
Be strong, and I am always here for you. :)

埋單

埋單計數中:
200多本書 /4 -5 箱衣物 / 廿對鞋 /兩部電腦+DVD player / 4個music box / 一堆杯碟碗花瓶 / 兩隻bear bear一隻鴨 / pillow+blanket+cushion

咁即係要租幾大個迷你倉呢?
其實4年先得咁少野，都算係咁。 哈。

move out.

不如把心一橫，將所有東西掉進迷你倉，飛兩轉，返黎先算。
係咁。

只做一件事

一整星期都只是專注於搵樓。

游走於買屋租樓搬大d搬細d一齊住自己住等等唔知係咪option既option間，暫時的「定案」還是繼續租屋。暫時心水單位有二 :
白色有裝修冇傢俱低層同parents同一座樓 - 其實我鍾意淺色多d佢又平d又近兩老d，不過要買晒全屋傢俱又好hesitate。
桃木色有裝修有部份傢俱高層唔同parents一座樓 - 貴d但係基本上搬個人入去就攪掂都幾吸引，你知我幾咁怕煩。
而share flat都係一個可能性，有right person但又好似無咩心水樓lor。

而隨著挨貴租既日子來臨，除左懶係0野咁決定出少d街同搭少d taxi (其實真係得咩?)，最實際都係快手搵過份好pay d既工 (我真係好懷念俾人cut左0個10%!!!)。

不留

一旦搬離了這個天地，曾在這斗室發生過的事情，逗留過的痕跡，哭過的笑過的，交換過的溫柔，都只能遺留在這不再屬於我們的地方。

是次搬遷大概是最徹徹底底的大掃除，將過去跟現在完全拆卸，再重新建立另一個空間，這足以代表一個階段的終結以及另一個階段的起始，指的不止是狹義的實質空間。
　
告別永遠都有可能搬遷的四年過客生活，我說我會認真考慮定居於某處。

Flat

放工經過地產順口問句有咩租盤，竟然俾我發現某ex租過的單位以心動價出租！

雖然N年前既事早已粉筆字咁抹哂，但依悕記得當時一齊揀既高層有景studio flat絕對不賴，有機會再住都唔錯。哈！

Btw,至今仍覺得一個屋苑兩個單位既安排非常合心。有一個「這麼近,那麼遠」的小距離絕對有益身心，畢竟每天如膠似漆的生活是會讓人生厭。

Sent from my iPhone

小病是福

宅居一個多星期，專心食瞓同埋扮返工、日日食屋企飯的日子，健康到極點。加上「醫生」們每日定時睇症更進病情（外加嚴密監管！），也只好乖乖做個聽話既病人。

而其實宅居又不會太悶，總有不怕給傳染的探病人一齊kill time。又可利用無聊時間丟掉無關痛癢的東西及人類兼detox埋自己，絕對精神爽利。剩餘的時間還可半夢半醒地逐一讀那堆看了一半的床頭書。

昨天乖到死地放棄了美味ice cream n cake，結果晚上有人過來請食小甜谷既「天山雪蓮」，開心到呢！
....
電腦咋晚給帶走送修，還好有iphone...hohoho...thanks again la :)

Sent from my iPhone

寧日

自從大廈開始裝修以來，星期六上午九時必被在外面的裝修工人嘈醒，「喂唔好開水呀!」「喂要去xx層呀」，有時候還可晨早流流透過窗簾看到黑影一大個，絕對有「我在橋上看風景 看風景的人在樓上看你」的感覺。加上川流不息幾乎是自出自入的睇樓團，不在家的時候其實有十個人上過來參觀，星期天想好好閒在家中又得不時招呼眾團友，絕對是前所未有地家無寧日。

只不過，我還是有個gut feeling，這單位不好賣，快則三月、慢則年中才需要move out. 只不過我的patientence能否支持到年中又是另一個課題。

習慣了窩居一人小屋，有個可以回氣的backstage，對於改變生活模式的可能(行)性，還是十五十六。畢竟我太需要一個無煙的寧靜空間。Finger crossed.

...

Today's play list: Super Junior, Wonder girl.

Let's chill a bit. :)

Count down at Shanghai

大家都說，我們在最差的時候，跑到上海。

整個上海都是地盤，為五月的世博趕工，連外灘的景色，也沒法從旁窺看。只是，在金荗頂樓腑瞰的黃浦江，夜色依然美麗 。

兩個無聊鬼的上海之行絕對好笑。 不遊覽五光十色的新天地，卻跑到沒有的士懂去的藝術小區閒逛; 在上海找地道的北京涮羊肉、 專登訂有靚泳池的酒店卻不帶泳衣繼而後悔、將要倒數時帶著香檳逆流而行，跑回酒店，還好運得可以在酒店欣賞煙花。Highlight of the trip應該是Puli Hotel，一間低調得沒有正門的spa hotel，有我們喜歡的裝潢、美味的早餐，基本上我們不介意足不出戶只留在房間。

天氣太冷，懶得拍照，就cap幾張在此，不在FB另post。

在荗頂樓映到雙手變冰棒...

0係房count down，然後衝出走廊睇煙花...

未瞓醒就送到上來夠四個人食既room service早餐...